Lvovda sentâbr 21-inde 26-ncı Kitap forumınıñ çerçivesinde Qırım tarihçısı ve publitsist, tarih ilimleri namzeti Sergey Gromenkonıñ "250 yıllıq sahtelik: Qırım tarihınıñ Rusiye yalanları" kitabı taqdim etildi.
Müellif bildirgeni kibi, kitap, "Qırım - qırımtatarlar ve ukrainlerniñ alâqası olmağan, asıl Rusiye toprağı" fikriniñ yalan olğanınıñ isbat etüvine bağışlanğan.
Gromovnıñ fikrince, Rusiyeniñ qırım aqqında sahteliklerinen küreş - Ukraina milliy havfsızlıq işi olmalı.
"Bu - küreş akademik alanda bitmey demektir. Bu - bütün ukrain cemiyetiniñ işi. Rusiye, özüniñ Qırımğa iddialarını pekitmek içün miflerni qullana. Ğarpta, Qırım - bu Rusiye fikri kimseniñ başına kelmesin dep, Ukraina faal şekilde bu miflerniñ yalan olğanını köstermek kerek", - añlattı Gromov.
Müellif, Rusiye mifleriniñ yalan olğanını köstergen kitap tek siyasetçi ve diplomatlarğa degil de, sade Ukraina adamlarına da faydalı olur, dep ayta.
"Rusiye propagandası ne yerde yalan aytqanını bilmek ve rusiyeli Qırım aqqında Rusiye aytuvlarına aldanmamaq içün, eñ azından bu kitapnı oqumaq kerek", - aytıp berdi Gromenko.
