Lvivde Rusiyeniñ gece raketa ücümi neticesinde 35 ev zarar kördi, dep bildirdi şeer başı Andriy Sadovıy.
"Şimdilik (saba saat 09:00) şeerniñ 33 sakini tibbiy yardım istedi, 13-ü bizim hastahanelerimizde, olar kerekli er şeynen temin etilgen. Bazılarnıñ alı ağırdır. Bu daqqada eñ az ölgen 4 kişi aqqında belli. Qıdıruv işleri devam ete. Buña da köre elâk olğanlarnıñ sayısı arta bile", - dep bildirdi o.
Mekteplerde, talebe yataqhanelerde yıqıluvlar bar eken, bir ofis kompleksi zarar körgen.
Sadovıynıñ sözlerine köre, qurtarıcılar qıdıruv ve qurtaruv işlerini künniñ soñuna qadar bitirmek kerekler.
Ukrayina Silâlı Quvetleriniñ malümatına köre, Rusiye ordusı Lvivge Qara deñizden uçurtılğan "Kalibr" raketaları ile ücüm etken.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
