Sentâbrniñ 4-nde yerli akimiyet temsilcileri bildirdi ki, Lvivge Rusiye raketa ücüminde elâk olğanlarnıñ sayısı yedige qadar arttı, olarnıñ arasında eki bala bar.
"Beşinci elâk olğan adam. Bu bala, 9 yaşında bir qız", — dep yazdı Lviv OVA-sınıñ yolbaşçısı Maksim Kozitskıy.
Bundan evel memur, daa bir elâk olğan kişi 14 yaşında qız olğanını bildirdi.
Saat 9:00-da şeer başı Andriy Sadovıy qurbanlarnıñ sayısı artqanı aqqında bildirdi. "Lvivde elâk olğan yedi kişi", — dep yazdı Sadovıy.
Daa soñra memurlar yedi elâk olğan insan arasında üç bala bar olğanını bildirdi.
Zarar körgenlerniñ sayısı 38 oldı.
Ukrayina sentâbrniñ 4-nde gece ve saba raketa ve ücüm uçaqlarından qullanılğan birleşken ücümge oğradı. Raketalar Lviv, Krıvıy Riğ, Qara deñizdeki obyektler ve diger yerlerge ücüm etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
