Arizalar mayısnıñ 26-na qadar qabul etile. Oquv mevzuları arasında içtimaiy ağlardaki telükesizlik, Qırımda olğan insanlarnen doğru munasebetler, Qırım ile bağlı meselelerni açıq alanda aydınlatmaq, dezinformatsiyağa qarşılıq köstermek ve ilâhre olacaq.
Trening iyün 1-2 künleri Lvivde keçirilecek. İştirak etmek içün Qırımdan çıqqan ve şimdiki vaqıtta Lvivde yaşağan 35 yaşına qadar Ukrayina vatandaşları, em de 35 yaşına qadar Qırım mevzusında çalışqan ve şimdiki vaqıtta Lvivda yaşağan cemaat faalleri davet etile. Haber etilgeni kibi, yarış neticelerine köre "Qırımlılar içün genç siyasetçi mektebine" 22 iştirakçi saylanacaq.
Tafsilâtlı malümat institutnıñ saytında.
2023 senesi iyünniñ 30-nda Ukrayina devlet hızmeti milliy agentliginde işğalden azat etilgen Qırımda akimiyet organları içün kadrlar azırlav leyhası çalışıp başlaycağı aqqında haber etilgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
