2023 senesi iyülniñ 27-nde Zudiyeva Aqmescitte Qırımnıñ Yuqarı mahkemesi ögünde tutuldı, anda Rusiye mahküm etken Nariman Celâl, Asan ve Aziz Ahtemovlarğa qoltutuv aktsiyası keçirilgen edi.
Temyiz mahkemesiniñ qararı fevralniñ 12-nde qabul etildi. Mahkeme Rusiye qurğan Aqmescit Jeleznodorojnıy rayon mahkemesiniñ iyülniñ 27-nde qabul etken qararını deñiştirmegen Qırım Yuqarı mahkemesiniñ 2023 senesi avgustnıñ 10-nda çıqarğan qararına qarşı şikâyetni qabul etti. Bu qararnen mahkeme Zudiyevağa 12 biñ ruble para cezası bergen edi.
İyülniñ 27-nde Rusiye kontrolindeki Qırım Yuqarı mahkemesiniñ binası ögünde Rusiye uquq qoruyıcıları Celâl ve ağa-qardaş Ahtemovlarğa qoltutqan insanlarnı tutqanlar. Olarnıñ arasında – «Qırım birdemligi» jurnalistleri ve aq qorçalayıcı Lutfiye Zudiyeva.
Tutulğan 14 insandan beşine qarşı memuriy protokol tizildi. Qalğanlarına 12 biñden 15 biñ rublege qadar para cezası berildi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
