Link açıqlığı

Saatnıñ esas haberi

Lüksemburgnıñ deputatlar palatası Rusiye tarafından ilhaq etilgen Qırımda qırımtatarlarnıñ aqlarınıñ bozuluvını takbih etti


Tasviriy resim
Tasviriy resim

Lüksemburgnıñ deputatlar palatası Rusiye tarafından ilhaq etilgen Qırımda qırımtatarlarnıñ aqlarınıñ bozuluvını takbih etken qararnı qabul etti.

Qararda tarihiy basqılar, hususan 1944 senesiniñ sürgünligi, em de Meclisniñ yasaq etilmesi, qırımtatar tili ve medeniyetiniñ sıñırlanması, kütleviy apis etüvler ve tintüvler kibi zemaneviy basqı aydınlatıla.

Vesiqada bu bozuvlar Rusiyeniñ qırımtatarlarnıñ medeniy ve tarihiy kimligini yoq etmek içün sistematik ğayretleriniñ bir qısmı olaraq tanıla. Lüksemburg adaletke ve bu cinayetlerniñ qabaatlılarını mesüliyetke çekmege çağıra.

Oktâbrniñ 9-nda Ukrayina Yuqarı Radası çetel devletlerniñ ükümetleri ve parlamentlerini 1944 senesi qırımtatarlarnıñ Qırımdan sürgün etilmesini qırımtatar halqınıñ genotsidi olaraq tanımağa çağırdı.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG