Bu «quvetleştirüv» çerçivesinde Beyazrusiye akimiyeti sıñırğa arbiyler ve raketa kompleksleri ketecek, dep bildire.
«Mahsus tedbir quvetleri, qara ordusı, raketa ordusı, hususan «Polonez» reaktiv sistemaları ve «İskander» kompleksleriniñ arbiy bölükleri bu rayonlarğa ketmege emir aldı», – dedi Hrenin.
Poloniya, Litvaniya, Latviya ve Estoniya Avropa Birligini Moskva tarafından cenk telükeleri ve diger telükeli areketlerden qorumaq içün Avropa Birliginden bloknıñ sıñırları boyu mudafaa qurmasına çağırdı.
Bazı AB diplomatları Avropa Birliginiñ Rusiye ve Beyazrusiye ile 700 kilometrlik mudafaanıñ quruluvı 2,5 milliard euro (2,67 milliard dollar) olacaq, dep esapladı. Avropanıñ mudafaa ve maliye etilüvine yatırımları AB liderleri sammitte muzakere etecek esas mevzulardan biri olacaqtır, çünki Rusiyeniñ Ukrayinağa qarşı büyük cenki üç yıldan berli devam ete ve Moskva Ğarpqa qarşı gibrid tedbirlerni sertleştire.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.