Link açıqlığı

Aqrusiye prezidenti Aleksandr Lukaşenko Ukrainanı Rusiye ve Avropa Birligi ile añlaşmağa çağıra.

Bunı o yañı saylanğan Ukraina prezidentiniñ inauguratsiya merasiminden soñ jurnalistlerge bildirdi, dep haber ete Azatlıq Radiosı.

«Vaziyet felâketli olğanını tüşünmeyim, onı ziyade arttıralar, bu mevzuda ğayet çoq laf eteler. Şunıñ içün tınçlanmaq ve yañı devirde vaziyetni bir nizamğa ketirmege kerek, çünki ukrainliliyer pek işkir ve aqıllı insanlar ve olar bu meselelerni çezerler. Eger de olarğa yardım etmeseler, özleri çare taparlar», – dedi Aqrusiye prezidenti.

Qırım kimge ait degen sualge Lukaşenko: «Siz, ukrainliliyer, maña suallerni beresiñiz? Qırımğa barıp, Qırım Ukrainalı olması içün añlaşıñız, onı coymañız», – dedi.

Yañı saylanğan prezident Petro Poroşenko çıqışta bulunıp, Qırım Ukrainalı olğanını ve olacağını aytqan edi.

Bugün Petro Poroşenko Ukraina prezidenti antını qabul etti. İnauguratsiya merasiminde bir sıra memleketlerden eyyetler keldi.

Petro Porşekno mayıs 25 künü keçirilgen prezident saylavlarında reylerniñ 54,7% qazanıp, ğalip çıqtı.
XS
SM
MD
LG