Silâlı adamlar Mayıs 29-ci künü Slavânsktan 200 bala «tahliye» etecek olalar. Bu aqta matbut-konferentsıyasında «İnformatsoın qarşılığı» gruppanıñ koordinatorı Dmitriy Tımçuk bildirdi.
«Bügün Slavânsknıñ yerli akimiyeti üyleden soñ sañki 200 balanı «Artek»ke çıqarılacağı aqqında haber bizni ğayet raatsılay», – dedi o.
Onıñ sözlerine köre, bu qarar antiterroristik operatsıyası ştabınen uyğunlaşmadı. Ukrain arbiylerde böyle bir malümat yoq.
«Bu vaqıyalar evelden planlaştırılğan aktsıyağa oşay. Biz terroristler tarafından bir de bir kelişmegen areketler keçirilir de qabaatını ukrain arbiylerge qaldırarlar dep qorqamız», – dey Tımçuk.
Balalarnıñ tahliyesi aqqında Rusiyedeki KHV-ları bildirdi. Cumleden «Russkaya slujba novostey» perşembe künü Slavânsktan 200 bala Qırımğa çıqarılacağı aqqında bildirdi. Daa eki gruppa İyünıñ 1-de Svâtogorsk şeerine çıqarılacaq eken.
Rusiyedeki haberler vastaları bildirgenine köre, Slavânsk ve etraftaki köylerden tahminen 1000 bala çıqarılacağı közde tutula.
Hatırlatamız, Lugansk vilâyeti antiterroristik operatsıya keçirilgen yeridir.
«Bügün Slavânsknıñ yerli akimiyeti üyleden soñ sañki 200 balanı «Artek»ke çıqarılacağı aqqında haber bizni ğayet raatsılay», – dedi o.
Onıñ sözlerine köre, bu qarar antiterroristik operatsıyası ştabınen uyğunlaşmadı. Ukrain arbiylerde böyle bir malümat yoq.
«Bu vaqıyalar evelden planlaştırılğan aktsıyağa oşay. Biz terroristler tarafından bir de bir kelişmegen areketler keçirilir de qabaatını ukrain arbiylerge qaldırarlar dep qorqamız», – dey Tımçuk.
Balalarnıñ tahliyesi aqqında Rusiyedeki KHV-ları bildirdi. Cumleden «Russkaya slujba novostey» perşembe künü Slavânsktan 200 bala Qırımğa çıqarılacağı aqqında bildirdi. Daa eki gruppa İyünıñ 1-de Svâtogorsk şeerine çıqarılacaq eken.
Rusiyedeki haberler vastaları bildirgenine köre, Slavânsk ve etraftaki köylerden tahminen 1000 bala çıqarılacağı közde tutula.
Hatırlatamız, Lugansk vilâyeti antiterroristik operatsıya keçirilgen yeridir.
