Luganoda keçirilgen Halqara konferentsiyasında Ukrayina ükümti Ukrayinanı desteklemek içün tahminen 1,9 milliard dollar celp etilmesi aqqında kelişti, dep haber etti Ukrayina baş naziri Denis Şmıgal.
"Luganodaki halqara konferentsiyası vaqtında Ukrayinanıñ Milliy yañıdan quruv planınınıñ qaralamasınıñ taqdim etmekten ğayrı, devletimizge şimdiden destek olmaq ve yardım etmek içün ortaqlarımıznı birleştirimege devam ettik.Tahminen 1,9 milliard dollar. Tam bu miqtar içün Luganoda Ukrayinanı desteklemek içün añlaştıq", - dep yazdı o Telegramda.
Onıñ qayd etkenine köre, 600 million dollar maliye destegi, 500 million dollardan ziyade agrar sektorınıñ inkişafı, 500 million dollardan ziyade qızdıruv mevsimine azırlıqlar ve tahminen 250 million dollar Ukrayinada raqamlı transformatsiya leyhalarınıñ inkişafı içündir.
Evel Ukrayina baş naziri Denis Şmıgal Ukrayinanıñ yañıdan quruluv planı 750 milliard dollar qıymetlendirile, dep bildirgen edi.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrayinalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
