Ukrayina Yuqarı Radasınıñ insan aqları vekâletlisi Dmıtro Lubinets, Kursk vilâyetinde Ukrayina Yuqarı Radasınıñ ilerilemesi fonunda esirlerni deñişüv aqqında Rusiye insan aqları vekâletlisi Tatyana Moskalkova ile subet keçirdi. Bu aqta Lubinets avgustnıñ 14-nde ukrayin tele marafonı efirinde tarif etti.
Onıñ aytqanına köre, subetniñ teşebbisçisi Rusiye tarafı edi.
"Rusiye kütleviy haber vastalarınıñ açıq beyanatlarına baqmadan, rusiyeliler bir de bir deñişüvlerni toqtatmağa qarar aldılar... Men, Rusiye cenk esirleriniñ aqları qorçalanğanını BM ve BM-ge bildirem, biz bu vaziyetni nezaret etemiz ve Ukrayina Jeneva konventsiyası esasında deñişim esnaslarını devam etmege azır", — dep qayd etti ombudsmen.
Ukrayina Silâlı quvetleriniñ arbiy hızmetçileri halqara gumanitar uquq normalarına riayet ete, dep ayta Lubinets. Jeneva konventsiyası esasında Ukrayina Silâlı quvetleri Rusiye arbiylerini esir ala, amma olarnı işkencege oğratmay.
Avgustnıñ 13-nde Ukrayina prezidenti Volodımır Zelenskıy, Ukrayina Silâlı quvetleriniñ Rusiye Federatsiyasınıñ Kursk vilâyetinde keçirgen operatsiyası vaqtında yüzlerce Rusiye ordusınıñ arbiyleri esirlikke teslim oldı, dep bildirdi. O qayd etti ki, arbiy quvetler deñişim fondunı toldura, ve bütün cenk esirlerine insaniy munasebet kefil etile.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
