Herson vilâyetinde "tınçlıq rejimi vaqtında" videoğa alınğan Rusiye arbiy tehnikası minasızlaştıruv areketleri içün qullanıldı, dep bildirdi Boşnıñ 2-de keçirilgen matbuat konferentsiyasında Ukrayina parlamentiniñ insan aqları vekâletlisi Dmıtro Lubinets, dep haber ete Azatlıq Radiosınıñ mühbiri.
«Это не просто обсуждалось, мы прямо прописали это в документе, что, в частности, запрещается стягивание и перемещение военной техники», – сказал Лубинец.
"Tınçlıq rejimi" vaqtında Rusiye arbiy tehnikası arekette olğan videolar peyda olğanda, Lubinets deral mesül adamnen bağlanğanını, videonı şahsen baqıp çıqqanını ve toplaşuv keçirgenini ayttı.
"Videoda qırmızı haçlarnen belgilengen Rusiye arbiy tehnikası açıq körüne. Bu tehnika Ukrayin tarafınıñ qattı nezareti altında minalarnı temizlemek içün qullanıldı. Minasızlaştıruv bitken soñ, arbiy tehnika evelki yerine qayttı", — dedi Lubinets.
Boşnıñ 2-nde Ukrayina Silâlı Quvetleriniñ Baş ştabı Rusiye tarafı işğal etilgen Oleşkıdaki gumanitar missiya vaqtında gumanitar teneffüsni öz mevzilerini pekitmek içün qullanğanını bildirdi.
Orta küzniñ 23-nde Beyaz ev, Ukrayina ve Rusiye "gumanitar yardımnıñ kirmesini ve vatandaşlarnıñ telükesiz koridor vastasınen tahliye etilmesini azırlamaq içün "Oleşkıda ateş toqtatılmasına" razı oldılar, dep bildirdi.
Dmitro Lubinets, Orta küzniñ 29-nda, Oleşkığa gumanitar yardımnıñ ketirilmesi, Oleşkıdan çıqmaq istegen vatandaş ealisiniñ serbest areketiniñ bloksuzlanması ile bağlı gumanitar missiya başlanacaq, dep añlattı.
Oleşkı Rusiye tarafından 2022 senesi Kiçikte, keñ kölemli basuvnıñ ilk künlerinde işğal etildi.
Herson OVA-sınıñ malümatına köre, tahminen eki biñ insan, olarnıñ arasında aman-aman 50 bala, Oleşkıda qala. Memuriyetniñ aytqanına köre, Rusiye quvetçileri yardımnıñ ketirilmesine keder ete ve sakinlerni şeerden çıqmağa imkân bermey.