Ukrayına ombudsmeni Dmıtro Lubinets qırımtatar halqı genotsidiniñ qurbanlarını añma künü arfesinde qırımlı faal ve aq qorçalayıcılarğa berilgen «miting keçirilmeycegine» dair tenbilerni izaatladı.
«Mayısnıñ 18-nde tedbirlerniñ keçirilüvi – birinciden qırımtatar halqı genotsidiniñ qurbanlarını añmaq! Lâkin Rusiye halqara vesiqalarnı ve barışıqsever toplaşuvlarnıñ serbestlik aqqını boza», – dep aytıla haberde.
Rusiye uquq qoruyıcıları aq qorçalayıcı ve jurnalisti Lutfiye Zudiyevanı kütleviy aktsiyalar vaqtında «qanun bozulmaycaq», dep tenbiledi. Aynı tenbiler uquqçılar Lilâ Gemeci, Rustem Kâmilev ve sudaqlı cemaat imayecisi Seytosman Karaliyevge keldi.
1944 senesi mayısnıñ 18-nde Sovet rejimi Qırımdan Orta Asiyağa bütün qırımtatar halqını sürgün etti. Üç kün içinde 200 biñ qırımtatar mal vagonlarında Vatanından alıp çıqarıldı.
Er yıl Qırımda qırımtatar halqı sürgünliginiñ qurbanlarını añma tedbirleri, hususan Qırım paytahtıla matem mitingi keçirile edi. Amma Rusiye Qırım yarımadasını işğal etken soñ Aqmescitniñ merkezinde böyle aktsiyalarnıñ keçirilüvi yasaqlandı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
