Ukrayina ombudsmeni Dmıtro Lubinets uquqçılar Lilâ Gemeci ve Rustem Kâmilevniñ evinde lafta teşkerüvni ve apiske alınuvını insan aqlarınıñ bozuluvı dep adlandırdı.
Qayd etilgenine köre, tintüvden soñ Kâmilevni tutıp, Aqmescit şeerindeki Ekstremizm ile küreş merkezine alıp kettiler, anda eki memuriy protokol tizildi. Birisi 2020 senesi paylaşuvnen bağlıdır. Bu yazıda ukrayin faali Oleg Prihodko aqqında aytıldı. Fotoresimde Prihodko bayraq ve Trizub resimi olğan kâğıtnı tutıp tura.
Soñra Kâmilev Rusiye mahkemesine yollanıldı, anda «natsist timsalleriniñ propagandası ya da açıq numayış etilüvi» maddesine istinaden 10 künge apiske alındı ve Rusiye ordusınıñ «itibardan tüşürilüvi» iddia etilgeni içün 50 biñ ruble para cezasını aldı.
Lubinets böyle qabaatlavlarnı «saçma» dep, bu Qırım sakinleriniñ kerçegi, dep qoştı.
Bir kün evelsi «Qırım birdemligi» cemaat areketiniñ uquqçıları Rustem Kâmilev ve Lilâ Gemeciniñ evine Rusiye polis hadimleri keldi.
Tintüvlerden soñ Kâmilevni tutıp, Aqmescit şeerindeki Ekstremizm ile küreş merkezine alıp kettiler, anda eki memuriy protokol tizildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
