Ukrainanıñ Büyük Britaniya elçihanesi aprelniñ 13-nde Ukrainanıñ London diplomatik temsilciligi yanında turğan elçi maşinasına kimligi belli olmağan kişi ücüm etti, dep bildirdi. Berilgen malümatqa köre, adise saba saat onlarda yüz berdi, dep haber ete Azatlıq Radiosı.
«Politsiya birden kelip, ücümciniñ maşinasını blok etti. Amma uquq qoruyıcılarnıñ areketlerine baqmadan, o, elçiniñ maşinasını kene urdı. Politsiya cinayetçiniñ naqliyat vastasına ateş açmağa mecbur oldı. Cinayetçi yaqalandı ve politsiya bölügine ketirildi», – dep aytıla elçihane saytında.
Ukraina diplomatlarınıñ malümatına köre, şimdi London politsiyası ücüm etken kişiniñ kimligini ve yapqanlarınıñ sebeplerini ögrenmege tırışa.
The Telegraph Britaniya neşiriniñ haber etkenine köre, uquq qoruyıcılar ücüm terrorizmnen bağlı olğanını tüşüne.
