Litvaniya ükümeti Ukrayınağa qoltutmaq maqsadınen daa 13 million euro bermege qarar aldı, dep bildirdi Litvaniyanıñ mudaaa naziri Arvidas Anuşauskas Twitterde.
«Bugün Litvaniya ükümeti Ukrayınağa yardım etmek içün 13 mln euro bermege qarara aldı. 5 mln euro Ukrayına içün Dünya bankınıñ fonduna. 4 mln euro Ukrayınanıñ energetika infrastrukturasını ğayrıdan tiklemek içün. 2 mln euro Moldovadaki Ukrayına sığınmacıları içün. 2 mln euro Ukrayına zahire teşebbüsi içün», – dep bildirdi Anuşauskas.
Litvaniya baş naziri İngrida Şimonite bildirgenine köre, Litvaniya Ukrayınağa keregi qadar arbiy ve gumanitar yardım kösterecek. «Ukrinform» içün bergen intervyüsında Litvaniyanıñ Ukrayınağa yardımmı tahminen 600-700 mln euro ola, dep ayttı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
