Link açıqlığı

Saatnıñ esas haberi

Litvaniya Rusiyedeki elçisini keri çağıra ve Peterburgdaki konsullığını lâğu ete


Litvaniya öz elçisi Eytvidas Bayarunasnı iyünniñ 1-nde Rusiyeden keri çağırmaq qararına keldi.

İyünniñ 7-nden ise Sankt-Peterburgdaki konsullıq lâğu etilecek.

Aprelniñ başında Litvaniya akimiyeti elçisini Rusiyeden keri çağırğanını ilân etti ve Rusiye elçisi Aleksey İsakovğa memleketni tekr etmege emir etti. Bundan ğayrı Klaypeddeki Rusiye konsullığınıñ qapatılmasına dair qarar alındı. Buña cevap olaraq aprelniñ 21-nde Rusiye TİN Litvaniyanıñ Peterburgdaki konsullığınıñ qapatılmasını ilân etti.

Litvaniya TİN başı Gabrielüs Landsbergis diplomatik temsilcilik seviyesiniñ eksiltilmesi qararı "Rusiyeniñ Ukrayinağa qarşı devam etken tecavuzına ve Rusiye silâlı quvetleriniñ Ukrayinanıñ işğal etilgen şeerlerinde yapqan cavarlıqlarına, şu cümleden Buçadaki qıyır-çıyırğa cevap olaraq berilgenini" bildidri.​

Mayısnıñ 10-na Litvaniya Seymi Rusiyeniñ Ukrayinağa qarşı cenkini genotsid kibi tanığan qararnı qabul etti.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://krymrcriywdcchs.azureedge.net . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG