Litvaniyanıñ jurnalist etikası inspektörı hızmeti (ŽEIT) Vilnüs kitap tükânlarından birinde Qırım ve diger ukrayin topraqları Rusiye qısmı olaraq qayd etilgen atlaslar satılğanı sebebinden Baş prokuraturağa muracaat etti. Bunı ELTA agentligi bildire.
Jurnalist etikası inspektorı hızmeti, qara qış ayınıñ soñunda Litvaniya Seyminiñ muafazakârlarından şikâyet alğan soñ, prokuraturağa muracaat yolladı. Parlament azaları, LRT Ryto garsai yayınından atlaslarnıñ satıluvı aqqında bilgen ekenler.
Söz yürsetilgen kitaphaneniñ adı Knygų pasaulis ve Vilnüs demir yol vokzalınıñ yanında yerleşe. Mağaza temsilcileri Rusiye atlasları talap etilgenini ve olarnıñ tarqatuvı qanunğa zıt kelmegenini bildirdi.
ŽEIT-ke şikâyet etken muafazakârlar, böyle neşirlerniñ tarqaluvı Litvaniya qanunlarını boza, dep qayd eteler, çünki olarda dezinformatsiya, arbiy teşviqat ve cenkke çağıruv bar.
"Regionımızdaki geosiyasiy vaziyette biz Rusiye teşviqatınıñ vatandaşlarımızğa kirmesine yol bermege imkân beremeymiz, bu milliy telükesizlik meselesidir", — dep bildirdi şikâyetniñ müelliflerinden biri, Seym deputatı Dalâ Asanaviçüte.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
