Link açıqlığı

Saatnıñ esas haberi

Litvaniya prezidenti Gribauskayte Kyivge Zelenskıynıñ inauguratsiyasına kelecek


Litvaniya prezidenti Dalâ Gribauskayte

Litvaniya prezidenti Dalâ Gribauskayte Kyivge yañı saylanğan Ukraina prezidenti Volodımır Zelenskıynıñ inauguratsiyasına kelecek, dep haber ete Azatlıq Radiosı.

«Ukraina – bizge pek yaqın olğan memleket. Litvaniya halqı on yıllar devamında azatlıq oğrunda küreşti, şu sebepten ukrain halqınıñ devletiniñ Avropa kelecegini qurmaq ıntıluvlarını añlay ve olarğa qoltuta, Ukrainanıñ mustaqilligi ve topraq bütünligine qoltuta», – dep bildirdi Gribauskayteniñ memuriyeti.

Almaniyanıñ sabıq prezidenti Kristian Vulf da Zelenskıynıñ inauguratsiyasına kelecegini bildirdi.

Ukraina Yuqarı Radası mayısnıñ 16-nda yañı saylanğan prezident Volodımır Zelenskıynıñ inauguratsiyasını mayısnıñ 20-ne saat 10:00-ğa belgiledi. Yañı saylanğan Ukraina prezidenti Volodımır Zelenskıynıñ matbuat hızmeti parlamentniñ qararını qabul etti, lâkin belgilengen kün kyivliler ve çetel eyyetleri içün bir sıra qıyınlıqlarğa yol açacaq, dep bildirdi.

XS
SM
MD
LG