Litvaniya Tış İşler naziri Linas Linkevičius, ukrainlerni mustaqillikniñ 28 yıllığınen hayırladı. Tebrik sözlerini o, Twitterde ukrain tilinde derc etti.
"Ürmetli dostlar, ürmetli ukrainler! 80 yıl evel Ribbentrop-Molotov Paktı Avropanı böldi, amma halqlarımıznıñ birligini bozmadı. Litvaniya ve Ukraina azatlıq yolunda daima beraber edi, Litvaniya, azatlıq ve territorial bütünlilik oğrunda Ukrainanıñ küreşine qol tuta edi em de tutacaq. Mustaqillik Künü hayırlı olsun, Ukraina! Siziñ ve bizim azatlığımız içün!", - denile Linas Linkevičiusniñ hayırlavında.
Litvaniya Ukrainanıñ izçen ittifaqdaşı edi. O, Ukrainanıñ territorial bütünligine ve mustaqilligine diplomatiya ve arbiy yardımnen destek köstere edi.
Litvaniya - Ukrainağa öldürici silâ bergen birinci devlet edi. Litvaniya arbiy instruktorları, Ukraina poligonlarında 2015 senesinden berli çalışa.
