Ukrayina yazıcısı ve şairesi, Taras Şevçenko adına Ukrayina Milliy mukâfatınıñ laureatı Lina Kostenko "Serbest Qırımğa mektüpler" teşebbüsine qoşuldı, o, "Viter z Marsa" (2026) kitabından "Fontanom sliz bolıt Bahçısaray" şiirini oqudı. Bu aqta Ukrayina prezidentiniñ Qırım Muhtar Cumhuriyetindeki Temsilciligi haber ete.
Şair öz eserinde Qırımtatar tarihı, eviniñ ğayıp oluvı ve Rusiye işğaliniñ aqibetlerine muracaat ete. Teşkilâtçılarnıñ qayd etkenine köre, Kоstenkonıñ şiirinde Bağçasaraydaki közyaş çeşmesiniñ obrazı yarımadanıñ acısı timsaline çevirile ve Rusiye Federatsiyasınıñ tarihnı yañıdan yazmağa ıntıluvlarına baqmadan, silinmesi imkânsız olğan hatıra sesi ola.
"Lina Kostenko bazalar, liman ya da kurortlar aqqında sözlerniñ artında Qırımtatarlar içün Vatan olğan topraq olğanını hatırlata", — dep aytıla haberde.
Aksiya teşkilâtçıları lâqayt olmağan er kesni bu teşebbüske qoşulmağa çağıralar: Qırımlı siyasiy mabüslerge mektüpler yazmağa ve işğal şaraitinde vatandaşlarğa qol tutmaq içün içtimaiy ağlarda malümat tarqatmağa.
"Serbest Qırımğa mektüpler" leyhasınıñ maqsadı — Kremlniñ Ukrayinalı esirleri aqqında hatırlatmaq, olarğa qoltutuv sözlerini bildirmek