Halqara aq qorçalayıcı teşkilâtı Çeçenistan advokatlar kollegiyasını Lilâ Gemecige advokat litsenziyasınıñ qaytarıluvına yardım etmesine çağırdı.
Köllegiya yolbaşçısı Şamhan Katayevge yazğan mektübinde teşkilât Gemecige qırımtatarlarnıñ advokatı olaraq yardım etmesine keder etken bütün «qorquzuvlarnı» toqtatmağa yardım etmege çağıra. Köllegiyanı Gemeciniñ litsenziyasız qaldırılmasına qarşı istinafına qoltutmağa çağıralar.
Aprelniñ 14-nde belli olğanına köre, Rusiye kontrolindeki Qırımnıñ Advokat palatası Lilâ Gemeci ve Rustem Kâmilevniñ litsenziyalarını sıfırladı. Ukrayına prezidentiniñ Qırım Muhtar Cumhuriyetindeki temsilciligi bildirgenine köre, Gemeci ve Kâmilev işğal etilgen Qırımda siyasiy mabüslerniñ davalarını baqqanı içün Advokat palatasınıñ azaları olmağa tırışqanda palata bunı qarşı davanen kerçekleştirdi. Advokatlar olarğa palata azalarına qabul etüvde red cevabını mahkemede itiraz bildirmege tırıştı, lâkin «Qırımnıñ advokatlar palatası» olarnı litsenziyasız qaldırmaq içün dava açtırdı.
Advokatlar cinaiy davalarda artıq iştirak etip olamaz, müvekkillerini imaye etip olamaz, olarnı mahkemeden evelki tahqiqatta da temsil etip olamaz. «KrımSOS» teşkilâtınıñ malümatına köre, Qırımda siyasiy taqiplerniñ 13 qurbanı uquqiy imayesiz qala bile.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
