Milliy Elektron media şurası memlekette mevcut olğan 80 Rusiye televizion kanalınıñ yayınlamasını yasaqladı, dep haber ete LETA agentligi.
"Qarar yañı uquqiy qaideler esasında qabul etildi, oña köre memleketniñ topraq bütünligini ve mustaqilligini telüke altına qoyğan memlekette qayd etilgen programmalar Letoniyada faaliyet köstere bilmez", - agentlik şuranıñ başı İvara Abolinşağa atfı etip yaza.
Qarar quvetini iyünniñ 9-nda alacaq. Abolinşanıñ sözlerine köre, qarar Rusiye Ukrayinağa qarşı cenki toqtatamağance ve işğal etilgen Qırımnı keri qaytarmağance lâğu etilmeycek.
Letoniya akimiyeti Rusiyede "çetel agent" kibi tanılğan "Dojd" Rusiye mustaqil televizion kanalına yayınlav içün litsenziya da bergen.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrayinalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
