Letoniya ükümeti RF ordusına seferberlik ilin etilgen içün Rusiye ile sıñırda fevqulâde vaziyet ilân etti. Ükümetniñ saytında haber etilgenine köre, bu vaziyet sentâbrniñ 28-nde quvet alacaq ve üç ay devam etecek.
Fevqulâde vaziye memleketniñ Aluksnensk, Balvsk ve Ludzensk rayonlarında ilân etilecek. O, deñiz limanları, avalimanları, demiryolları ve sıñırdaki keçit noqtalarında olacaq.
Letoniya akimiyeti rusuyelilerniñ aqınını azlaştırmaq içün Redezdde sıñır keçitini qapata. Memleketniñ Devlet sıñır hızmetine Rusiye vatandaşlarınıñ sıñırnı keçmesine nezaretni quvetleştirmek buyurıldı.
Evel Letoniya orduğa çağırılmamaq istegen ruslarğa gumanitar viza bermemek ya da artıq Şengen vizası olsa, olarnı sıñırdan keçirmek qarırna keldi.
Sentâbrniñ 21-nde Rusiyede qısmiy seferberlik ilân etilgen soñ rusiyeliler küttleviy şekilde biletler santın alıp memleket tışana ketip başladılar. Kazahistan, Mongoliya, Gürcistan ile sıñır maşnalarnen çoq kilometrlik tıqalıp qaldı. Yerli haber vastalaranıñ haber etkenine köre, bugünge qadar artıq 260 biñ adam memleketni terk etken.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
