Link açıqlığı

Saatnıñ esas haberi

Rusiyede Qırımğa babasına ketken qırımtatar qızı bir qaç aydan berli apiste tutula – aq qorçalayıcılar


Rusiye babasınıñ sağlıq vaziyeti fenalaşqanı içün Kyivden işğal etilgen Qırımğa barmağa tırışqan qırımtatarı Leniye Umerovanı apiste tuta. Bu aqta «Qırım aq qorçalayıcı gruppası» haber ete.

Olarnıñ malümatına köre, 2022 senesi dekabrniñ 4-nde 25 yaşında Leniye Umerova Kyivden Qırımğa ketmege mecbur edi, çünki babasınıñ qanseri bar.

Rusiye sıñırcıları Leniye Umerovanı Gürcistan-Rusiye sıñırından keçken soñ rejim alanı qaidelerini bozğanı sebebinden tuttı. Martnıñ 16-na qadar Leniye Vladikavkaz yaqınlarında Çetel vatandaşlarını vaqtınca tutuv merkezinde tutuldı. Rayon mahkemesi qıznı «devlet sıñırı rejimini bozğanında» (Rusiye Federatsiyasınıñ Memuriy uquq bozuvları kodeksiniñ 18-inci maddesiniñ 1-inci qısmı) qabaatlap, 2 biñ ruble para cezasını berdi. Martnıñ 16-nda gece Leniye Umerova çetel vatandaşlarını tutuv merkezinden çıqarıldı.

Lâkin, aytqanına köre, araba qapusında onı dört erkeknen araba bekledi. Onı tutıp, başına çuval taqqanlar, Vladikavkaznıñ belli olmağan rayonına ketirip, anda qaldırğanlar. Aman-aman birden onı polis patruli tuttı. Ne içün tutulğanını sorağanı içün qıznı «polis hadimleriniñ aytqanlarına riayet etmegeni» içün tutqanlar. Lenin rayon mahkemesi onı 15 künge apiske aldı. Umerova vaqtınca tutuv izolâtorında olğanda oña daa bir protokol tizildi: cep telefonını polislerge bermegen degenler. Martnıñ 27-nde kene o mahkeme onı 15 künge apiske aldı. Leniye Beslan şeeriniñ vaqtınca tutuv izolâtorına alalar. Aprelniñ 9-nda polis hadimlerine riayet etmegeni içün kene protokol tizile. Aprelniñ 11-nde Vladikavkaznıñ Sovetskiy mahkemesi oña kene 15 kün apis cezasını berdi.

«Qıznı bu memuriy apis cezaları manaçığınen tutalar. Bu ciddiy bozuvlarnıñ siyasiy taqip ve sahte memuriy dava alâmetleri bar. Bu memuriy apisler yardımınen qıznı cinaiy dava açmaq maqsadınen tutalar, dep qorqam», – dep izaatladı «Qırım aq qorçalayıcı gruppasınıñ» idare reisi Olga Skrıpnik.

Rusiye Federatsiyasında tutulğan Leniye Umerovanıñ ağası Aziz Umerov «yapqan yekâne «cinayeti» Qırımda doğğanına baqmadan, Rusiye pasportını almaması oldı», dep qayd etti.

«Terrorist memleket halqara uquq normalarını bozıp, qabaatsız insannı, 25 yaşında qıznı – Ukrayına vatandaşını reine olaraq tuta. Lâqayt olmağan bütün cemaat faalleri, aq qorçalayıcı teşkilâtlar, devlet akimiyeti organlarını Leniyeni esirlikten azat etüvde yardım etmelerine çağıram», – dep muracaat etti cemaatçılıqqa Aziz Umerov.

Rusiye uquq qoruyıcıları Leniye Umerovanıñ tutuluvı aqqında resmiy şekilde bildirmey.

Aq qorçalayıcılarnıñ malümatına köre, Ukrayınağa qarşı tam istilâ başlağan soñ işğal etilgen topraqlarda Rusiye uquq qoruyıcıları Ukrayına vatanperverleri, göñülli, cemaat faalleri, jurnalist, ATO/OOS veteranlarını daa sıq hırsızlap başladı. Çoqusı işğal etilgen Qırımğa çıqarılıp, SİZOğa qapatıla.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG