Leningrad blokadasını başından keçirgenler içün Keriç akimiyetinden ötmek ve medaller | Künniñ Qırım süreti

Yanvarniñ 27-sinde Keriçniñ rusiyeli şeer şurasınıñ saytında, şeer şurasınıñ reisi Maya Hujina, onıñ müavini Larisa Şçebula ve daa bir qaç şeer memurı, Ekinci Cian cenki vaqtında Leningrad blokadasını başlarından keçirgen 11 sakinni ziyaret etti. Surette kürk tonlu memurlar blokada şaatlarına medal, çiçek ve, olar "timsaliy" dep aytqan, beyaz ötmekni bergenleri körüne. Matbuat hızmeti, veteranlarğa sade ötmek degil, qaray loqumlarını bergenler, dep qayd ete.