Link açıqlığı

Lehistan onıñ ücretli askerleri Ukrainada cenkleşkeni aqqında malümatnı red etti


Lehistan çetel işler nazirliginiñ matbuat kâtibi Martsin Voytsehovskiy Ukraina şarqında sanki ücretli askerler olğan Lehistan vatandaşlarınıñ qanunsız silâlı teşkilâtlar tarafından yaqalanğanı aqqında malümatnı red etti.

«Şarqiy Ukrainada separatistler tarafından Lehistan vatandaşlarınıñ yaqalanuvı aqqında malümatnı tasdiqlamayım. «Qara piardır», – dedi Voytsehovskiy, dep haber ete «İnterfaks-Ukraina».

Aytılğanı kibi, öz başına tayin etilgen Donetsk halq cumhuriyetiniñ «ükümet» reisdeşi Miroslav Rudenko çetel ücretli askerlerniñ yaqalanuvı aqqında ayta, olarnıñ arasında – bir qaç esmeri adam, ve Şarqi Avropa, şu cümleden, Lehistan vatandaşları da bar eken.
XS
SM
MD
LG