FSB tutıp alğan ukrain deñizcilerniñ advokatlarınıñ müşterilerilerinen qonuşmanı sıñırladılar, dep yazdı Twitterde Nikolay Polozov.
“Lefortovo” SİZOsınıñ memüriyeti, advokatlarnıñ müşterilerinen konfidentsial qonuşması qıyın olması vaziyetine yol berdi. Böylece, cenk esiri olğan ukrain deñizcilerge köre, III Jeneva konventsiyasınıñ 105 maddesi bozula”, - denile beyanatta.
Polozov, mayıs 17-sinde cenk esiri Volodımır Tereşçenkonen körüşip olamağanı aqqında bildirgen Anastasiya Georgiyevskayanıñ yazısını derc etti. Yazığa köre, o kün SİZOğa tek tahqiqatçılarnı yibere ediler.
“Müşterim Volodımır Tereşçenkodan maña mektüpler kelmegenini, telefon lafları ve körüşüvler oña yasaq olğanını köz ögüne alsaq, Volodımır Tereşçenko endi üç aftadan berli incommunicado alındadır, dep sayam”, - yazdı Georgiyevskaya.
Moskova SİZOsı hadimleriniñ bu aqta açıq tefsirleri yoq.
