Fransız siyasetçi Marine Le Penniñ yegeni Marion Maréchal-Le Pen, Qırımnıñ rusiyeli akimiyeti teşkil etken Yalta iqtisadiy forumında çıqışta bulundı. Onıñ çıqışınıñ videosını “Krıminform” matbuatı Telegramda derc etti.
Marion Mareşal-Le Pen sözge çıqqanda, Yalta forumı “divarlarnı boza” ve “Qırımnı qalğan dünyanen birleştire”, dep ayttı. Ve Parijde yanğan Notre Dame de Parisni de añdı.
Özüniñ Yalta ziyaretini Le Pen, resmiy Twitter saifesinde de tasdıqladı. Anda, hususan, Le Pen Rusiyege qarşı sanktsiyalarnıtenqit etti. “Rusiyege qarşı sanktsiyalar - iqtisadiy sandıraq, amma bundan da ğayrı, olar -Avropa halqlarına zarar ketigen siyasiy hatadır”, - dep ayttı Yalta forumında Le Pen.
Yaltadaki forum vaqtında Qırımnıñ Rusiye ükümeti ve Gürcistannıñ Cenübiy Osetiya separatist regionınıñ ükümeti ticariy-iqtisadiy, ilmiy-tehnik ve medeniy saalardaki işbirligi aqqında añlaşma imzalağanlar.
Frenkistan siyasetçisi Marin Le Penniñ torunı Marion Mareşal-Le Pen Yaltadaki iqtisadiyat forumında çıqışta bulundı.
Yaltadaki forum başlamazdan evel Qırım Muhtar Cumhuriyetiniñ prokuraturası çetel vatandaşlarını Rusiye ilhaq etken Qırımğa Kyiv qapatqan keçiş noqtalarından qanunsız keçüvden vazgeçmege çağırğan edi.
Aprelniñ 18-nde Qırımda Qırımnıñ Rusiye akimiyeti teşkil etken Yalta iqtisadiyat forumı başlandı. Esas tedbirler «Mriya» şifahane-kurort kompleksinde ve Alupkadaki Vorontsov sarayında keçirilecek.
