Rusiye TİN yolbaşçısı Sergey Lavrovnıñ muzakerelerge dersiñ azır olması ile bağlı beyanatları Ukrayinanıñ qarşı ücümge keçmesini toqtatmaq ıntıluvdır. Bunı iyülniñ 27-nde Ukrayina TİN temsilcisi Oleg Nikolenko Irish Times neşrine bildirgen.
"Ukrayinanıñ cenüpte qarşı ücümge kemege azırlanğanını añlaylar ve olar (Rusiye – QA)Ukrayinanıñ muzakere etmek istemegenini kosbtermek isteyler", - dedi Nikolenko.
Aynı zamanda o, Kıyiv Kremlniñ kerçekten muzakerelerge azır olğanını körmegenini qayd etken.
"Bu sahte referendumlarnı keçirmek (işğal etilgen topraqlarda – QA) ve bu topraqlarnı zapt etmek içün daa çoq vaqıt elde etmek maqsadınen yapıla. Olarnıñ muzakerelerge azır olğanını asla körmeymiz. Olar alâ daa ukrayin şeerlerrni ateşke tutalar", - dep qoştı o.
İyülniñ 24-nde Rusiye TİN başı Sergey Lavrov Moskva Kıyiv ile muzakerelerge azır olğanını bildirgen edi.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
