Link açıqlığı

Lavrov: Moskva Rusiye-AQŞ-AB-Ukraina formatında muzakerelerge azır


Moskva Rusiye-AQŞ-AB-Ukraina formatında muzakerelerge azır. Bunı Rusiye tış işler naziri Sergey Lavrov bildirdi.

Onıñ fikirince, Ukrainanıñ cenüp ve şarqı halqara muzakerlerde temsil etilmeli.

Aynı vaqıtta Avropa Birligi AB, AQŞ, Ukraina ve Rusiye vekilleriniñ Qırım buhranını al etüv körüşüviniñ sanını belgiley.

UNİAN malümatına köre, bunı Avropa birliginiñ tışqı siyaseti ve havfsızlıq siyaseti yuqarı vekili Catherine Ashtonnıñ matbuat kâtibi Mayya Kotsiyanchich bildirdi.

Aprelniñ 6-da Lugansk, Harkov ve Donetskte Rusiyege qol tutqanlar devlet akimiyeti organlarını zapt etecek oldılar. Böyleliknen, aprel 6-7 künleri Harkovde separatistler vilâyet devlet memuriyetini zapt ettiler, ANT telekompaniyasını darma-dağın ettiler, Ukraina bir olmasına qol tutuv mitinginiñ iştirakçilerini köteklediler. Aprelniñ 7-de Donetsk, Lugansk ve Harkov vilâyetlerine Ukrainanıñ diger regionlarından militsiyanıñ mahsus bölükleri keldi. Bugün gece ateş açmayıp, Harkov devlet memuriyetini separatistlerden boşattılar.
XS
SM
MD
LG