Link açıqlığı

Rusiye tış işler naziri Sergey Lavrov AQŞ devlet kâtibi John Kerry ile ötkerilgen telefon subeti devamında Ukrainada terrorismge qarşı tedbirleriniñ toqtatılması isteginini bildirdi. Bu aqta Rusiye tış işler nazirliginiñ resmiy saytında bildirile.

Sergey Lavrov acele surette Ukrainadaki deeskolatsiya vaziyeti boyunca kerekli areketlerni başlamaq ve ilk evelâ narazlıqnı köstergen insanlarğa qarşı arbiy operatsiyanı toqtatmaq, «Pravıy sektor» azalarınıñ yapılğan agressiv areketlerini kesmek fikirini bildirdi», – qayd etile mesacda.

Bunıñnen bir sırada, telefon subeti devamında Lavrov mahbüsler meselesini aydınlatıp, AQŞ Ukrainada olğan öz tesirinden faydalanıp, apske alınğan narazılıq aktsiyalarınıñ liderlerini azat etmek kerekligini bildirdi.

Bundan da ğayrı, taraflarnen Slavânskta apske alınğan OSCE inspektorlarınıñ apske alınması muzakere etildi.

John Kerry öz nevbetinde Rusiyeni Ukrainanıñ şarq tarafında yerleşken silâlı taqımlarğa tesirini büyükleştirip, OSCE arbiy ekspertlerni boşatılmasına yardımcı olğanlarına çağırdı.
XS
SM
MD
LG