Uçucısız «çalışamaz alğa ketirildi», şimdi talili yapıla. Silâlı quvetler reberligi dronnıñ peyda olmasını Latviyağa qarşı açıq arbiy kerginlik olaraq qabul etmege kerekmey, çünki onıñ nişanı bu memleket degil edi, dep bildirdi.
Mudafaa naziri Andris Sprudsnıñ aytqanına köre, Latviya Rusiye dronunıñ ücümine cevap olaraq şarqiy sıñırda ava mudafaasını quvetleştirecek.
Latviya Mudafaa nazirligi memleketniñ Rezeknenskiy rayonında Rusiye uçucısızı tüşti, dep haber etti. Dron Latviyağa Beyazrusiye tarafından uçıp kirdi. Rusiye-Ukrayina büyük cenki başlağan soñ Rusiye uçucısızlarınıñ Latviyağa kirgeni aqqında haber etilmegen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
