Qırımlı jurnalist, Qırım.Aqiqat müellifi Anna Andreyevskayanıñ ana-babasınıñ evinde keçirilgen tintüvde iştirak etken eki FSB hadimi 13 yılğa apis cezasına mahküm etildi. Böyle bir qararnı iyülniñ 3-nde Kıyivniñ Solomensk rayon mahkemesi çıqardı, dep haber ete Qırım.Aqiqat mühbiri.
Söz FSB hadimleri Denis Alunin ve Dmitriy Gramaşov aqqında kete, olar daa evel SBU-da hızmet etken ediler, 2014 senesi Qırım Rusiye tarafından işğal etilgen soñ FSB hızmetine keçtiler.
Mahkeme olarnı Ukrayina Ceza kodeksiniñ üç maddesine istinaden qabaatlı dep tanıdı: meskenniñ toqunılmazlığını bozuv (162 madde), jurnalist faaliyetine keder etüv (171 madde) ve devlet hainligi (179 madde). 111).
Ceza müddeti mahküm etilgenlerniñ Ukrayina uquq qoruyıcıları tarafından tutulğan kününden sayılacaq.
Davanıñ baqıluvı mahküm etilgenlerniñ iştiragi olmadan keçti. Olarnı devlet imayecileri temsil ete, olar ise imaye etilgen şahıslarnıñ qabaatını red ete.
2015 senesi martnıñ 13-nde Anna Andreyevskayanıñ Qırımdaki evinde FSB hadimleri tarafından tintüv keçirildi. Tehnika, eşya ve vesiqalarnı tutıp aldılar, jurnalistlerniñ tuvğanlarını sorğuğa çektiler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
