"Qırım sakinleri tarihiy olaraq festivalniñ eski iştirakçileridir. Olarnen çalışmaq er vaqıt güzel, oñaytlı ve tabiiy edi. Ukrayin ve qırımtatar halqları arasında medeniy munasebetlerniñ inkişafı pek müim, cemiyet alâ daa umumiy qıymetlerimizge pek diqqat ayırmay, — dep tarif etti festivalniñ tesisçisi Oleg Skrıpka.
Ukrayina prezidentiniñ Qırım Muhtar Cumhuriyetindeki daimiy temsilcisi Tamila Taşeva qayd etti ki, festivalde yüzden ziyade iştirakçi çıqışta bulunacaq, em de Ukrayina mudafaa quvetleriniñ ihtiyacları içün para toplamaq içün auksion keçirilecek. Farqlı muzıka janrlarında Qırım icracıları ve taqımları çıqışta bulunacaq: İsmail Kurt-Umer, Tani Şah ve Shopping Hour GRP, Çayir taqımı, Ruslan Bolatov ve Aliye Hacabadinova, Üsein Bekirovnıñ kvinteti ve digerleri.
Taşeva şunı da qayd etti ki, munaqaşalar sananıñ müim qısmıdır, çünki bu Qırım mevzusını aktualleştirmek içün keniş auditoriyağa çıqmağa yardım etecek.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
