Kıyivde Darnıtsâ rayonında Konstantin Zaşlonov soqağınıñ adını qırımlı Ğenadiy Afanasyevniñ şerefine deñiştirdiler, dep haber etile Kıyiv şeer şurasınıñ saytında.
Soqaq Yañı Darnıtsâda tarafınвф, Sımferopolska, Sevastopolska soqağı, Yalta soqağı, İsmail Gasprinskiy soqaqlarınıñ vePavel Gorânskiy skverniñ yanında yerleşe. Bundan da ğayrı, yanında elâk olğan ukrayin askerleri Yuriy Litvinskiy ve Denis Antipov, Kök yüzü qaramanı Yuriy Pashalinniñ şerefine soqaqlar bar.
Daa evel berilgen malümatqa köre, Ğenadiy Afanasyevniñ şerefine Odesadaki soqaqlardan biriniñ adı deñiştirilgen edi.
Aqmescitli fotoqraf ve uquqçı Ğenadiy Afanasyevniñ adı "Qırım terroristleri" davasınıñ mabüsi olğanından soñ belli oldı. 2014 senesi o, Rusiyeniñ Qırım ilhaqına qarşı çıqqan edi, bundan soñ onı Aqmescitte FSB hadimleri terror ücümlerini azırlağanında qabaatlap yaqaladılar. O vaqıt onıñnen beraber bu davanıñ diger mabüsleri de tutuldı. Halqara aq qorçalayıcı teşkilâtlar bu davanı siyasiy dep adlandırdı. O, 767 kün apiste yatqan edi.
2016-2018 seneleri Ğenadiy Afanasyev Rusiye apishanesinden azat etilgen soñ Qırım.Aqiqat müellifi edi.
2022 senesi dekabrniñ soñunda Afanasyev Luğansk vilâyetinde elâk olğanı belli oldı. O, 241 brigadasınıñ 130 batalyonında cenkleşti. Afanasyev, Rusiyeniñ Ukrayinağa arbiy istilâsınıñ birinci künü arbiy komissarlıqqa ketti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
