Ukrayina prezidenti ofisiniñ reberi Andriy Yermak Rusiye Federatsiyası ile nevbetteki mabüs deñişmesi aqqında bildirdi. Onıñ neticesinde 52 ukrayin azat etilgen.
"Bizimkiler evge qaytalar. Daa bir mabüs deñişmesi olıp keçti. 52 Ukrayina vatandaşını azat etip oldıq, bular zabitler, ekimler, çavuş ve askerler. Olarnıñ arasında 12 Ukrayina milliy gvardiyasınıñ askeri (olardan ekisi "Azov" askeri), 18 Arbiy deñiz quvetlerinden, 9 territorial mudafaadan, 3 Ukrayina Silâlı Quvetleri arbiyi ve 2 vatandaş. Evge "Azaovstal", Mariupol imayecileri qayta", - dep yazdı Yermak.
Ukrayinanıñ Rusiye tarafına kimlerni bergenini Prezident ofisiniñ reberi bildirmedi.
Soñki deñişüv oktâbrniñ 26-nda olıp keçti, onıñ neticesinde 10 ukrayin arbiyi esirlikten azat etildi.
Soñki büyük deñişme oktâbrniñ 17-nde olıp keçti, o zaman esirden 108 ukrayin qaydını azat etilgen edi.
Ukrayina prezidentiniñ ofis yolbaşçısı Andriy Yermak sentâbrniñ 22-ne keçer gecesi Ukrayına 215 arbiyini Rusiye esirliginden qaytardı, dep bildirdi. Onıñ aytqanına köre, 108-i – «Azov» askerleri.
Kıyiv Moskvağa Rusiye prezidenti Vladimir Putinniñ kumı Viktor Medvedçuknı, umumen 55 rusiyeli esirni berdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
