Kyivde 2023 senesi dekabrniñ 29-nda Rusiye Federatsiyası quvetleriniñ raketa ücümi neticesinde elâk olğanlarnıñ sayısı arttı, dep bildirdi paytahtnıñ arbiy memuriyeti.
«Şevçenko rayonında anbarda yıqılğan qurucılıq inşaatlarında elâk olğan daa bir kişi tapıldı. Bu malümatnı milliy polis tasdıqladı», – dep tarif etti Kyiv şeeriniñ arbiy memuriyeti.
Böylece, bugünge qadar dekabrniñ 29-nda Rusiyeniñ raketa ücümi neticesinde 33 insan elâk oldı.
Dekabrniñ 29-na keçer gecesi Rusiye 158 uçucısız ve raketanı qullanıp, Ukrayınağa qarşı eñ büyük ücümlerden birini kerçekleştirdi. Lviv, Kyiv, Harkiv, Dnipro, Çerkası, Sumı ve Odesa vilâyetlerinde patlavlar aqqında haber etildi.
Bu ücüm neticesinde büyük istilâ neticesinde paytahtta eñ çoq qurban oldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
