Kyivge qarşı raketa ücümi sebebinden yaralanğanlarnıñ sayısı 11 insan oldı, dep bildirdi şeer yolbaşçısı Vitaliy Klıçko.
«Üç insan paytahtqa qarşı bugünki ateş neticesinde elâk oldı. Biri – 17 yaşında qız. Paytahtnıñ 11 sakini yaralandı. 10-u şeerniñ tibbiy müessiselerine alındı. Bir kişi o yerde tibbiy yardım kördi», – dep yazdı o, Telegramda.
Bundan evel üç kişi elâk oldı, yedi kişi yaralandı, dep bildirildi.
Noyabrniñ 23-nde Rusiye Ukrayına mesken yerlerine kene raketa ücümlerini kerçekleştirdi. Ukrayına akimiyeti Kyivdeki kritik infrastruktura obyektine darbe endirildi, dep bildirdi. Odesa vilâyeti ve Lviv ışıqsız qalğanlar.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
