Kyivniñ Solomenskıy rayonındaki çoq qatlı evde yaralanğanlarnıñ sayısı arttı, dep haber etti şeer yolbaşçısı Vitaliy Klıçko.
«Al-azırda raketa ücümi neticesinde yanğın çıqqan Solomenskıy rayonındaki çoq qatlı evde 16 yaralanğan bar. 15-ini hastahanege alğanlar», – dep bildirdi o.
Ukrayına paytahtınıñ şeer yolbaşçısı qayd etkenine köre, Podol rayonındaki anbarda 2 biñ metr kârede yanğın devam ete, qurtarıcılar çalışa.
Kyiv şeeriniñ arbiy memuriyet malümatına köre, Podolda «suv hatları zarar kördi ve eñ az altı maşina yana».
Klıçko paytahtnıñ bir qaç rayonında yanğın ve darbeler aqqında bildirdi. Şeerde evlerniñ bir qısmı elektriksiz qala.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
