Kyivde apis etilgen Qırımlı zenaatdaşları ve olarnıñ aileleri ile birdemlik bildirip "Vatandaş jurnalistleri müimdir" fotoresimler sergisi açıldı.
Sergide 40-tan ziyade foto taqdim etilgen. Fotoresimlerde 10 tevqif etilgen qırımtatar vatandaş jurnalisti ve olarnıñ aileleri. Bundan ğayrı fotoresimlerde - keçken sene mart ayındla tevqif etilgen Azatlıq Radiosınıñ "Qırım.Aqiqat" leyhasınıñ jurnalistit Vladislav Yesipenko; 2021 senesi sentâbr ayında tutulğan qırımtatar faali ve siyasetçisi, Qırımtatar Milliy Meclis reisiniñ birindij muavini Nariman Celâl; Kreml siyasiy mabüsi (2018 senesinden 2020 senensinece tevqifli edi), vatandaş jurnalisti, "Qırım birdemligi" cemaat birleşmesiniñ tesisçilerinden biri Nariman Memedeminov ve nufuzlı Qırımlı jurnalist Mıkola Semenanı körmek mümkün.
Serginiñ teşkilâtçısı - Avropa jurnalistler federatsiyasınıñ destegi ile Ukraina milliy jurnalistler birligi.
Serginiñ kuratorları:
- Mümine Saliyeva – jurnalist, uquq qoruyıcı, siyasiy mabüs Seyran Saliyevniñ apayı;
- Mıkola Semena – UMJB kâtibi, zenaat faaliyeti içün işğalciler tarafından taqip etilgen Qırımlı jurnalist;
- Vâçeslav Yürçenko – 2014 senesi Qırımdan Kyivge köçip ketmege mecbur olğan Qırımlı jurnalist ve ressam.
Foto müellifleri arasında: Aleksandra Yefimenko, Taras İbragimov, Eskender Gani, "Qırım birdemligi", Qırım.Aqiqat, "Ґrati".
Ukraina Yuqarı Radasında Donetsk ve Lugansk vilâyetleriniñ işğal etilgen topraqlarında ve Rusiye işğal etken Qırımda ğayıp olğan Ukraina vatandaşları aqqında fotoresimler sergisi açıldı.
Ukraina prezidenti Volodımır Zelenskıynıñ Qırım kütleviy haber vastalarına bildirgenine köre, Kreml ukrainalı siyasiy mabüslerni, hususan qırımlılarnıñ Rusiye apsinden azat etüv esnasını «aqsata», dep aytqan edi.
Noyabrniñ 26-nda Ukraina prezidenti Volodımır Zelenskıy Kyiv Türkiye prezidenti Recep Tayyip Erdoğan vastasınen Vladimir Putinge Ukraina azat etilüvini beklegen ukrainalı siyasiy mabüslerniñ cedvelini berdi, dep bildirdi. Kreml Zelenskıynıñ aytqanlarını tefsir etmedi.
Qırımnıñ Rusiye yolbaşçısı Sergey Aksenov Qırımda siyasiy mabüsler yoq, dep bildire.
