Link açıqlığı

Saatnıñ esas haberi

Kyivde «Ukraina, unutma: Qırım işğal altında» (yayın)


#LiberateCrimea halqara cemaat areketiniñ faalleri fevralniñ 27-nde Mustaqillik Meydanında «Qırımnıñ Rusiye işğaline qarşı tirenüv kününe» bağışlanğan «Ukraina, unutma: Qırım işğal altında» aktsiyasını keçire.

Aktsiyanı canlı yayında Qırım.Aqiqat köstere.

Teşkilâtçılarnıñ aytqanına köre, aktsiyanıñ maqsadı – işğal etilgen Qırımda Ukrainağa sadıq qalğan qırımtatar halqı, yüz biñlernen ukrain ve yarımadanıñ diger millet vekillerine birdemlik köstermek.

Ukrainada salı künü, fevralniñ 26-nda, «Qırımnıñ Rusiye işğaline qarşı tirenüv künü» qayd etildi. 2014 senesi şu künü Qırım Muhtar Cumhuriyetiniñ Yuqarı Şurası ögünde Ukraina topraq bütünligine qoltutuv mitingi olıp keçken edi. Miting iştirakçilerine qarşı Rusiye tarafdarları, hususan «Rus birligi» firqası çıqtı.

Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini inkâr etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.

XS
SM
MD
LG