Link açıqlığı

Saatnıñ esas haberi

Kyivde, Ukraina Mustaqilligi Kününe bağışlanğan "Qırım evi yüreklerni birleştire" kontserti keçecek


Alim Aliyev
Alim Aliyev

Avgustnıñ 25-inde saat 18:00 Kyivde Ukraina Milliy tarih müzeyiniñ alanında ekinci sefer "Qırım evi yüreklerni birleştire" Open Air kontserti keçirilecek, o, Ukraina Mustaqilliginiñ 28 yıllığına bağışlana, dep bildire teşkilciler.

Qayd etilgeni kibi, kontsert programmasında belli ukrain ve qırımtatar sanatkârlar çıqışta bulunacaq, olarnıñ arasında Camala, Aleksandr Polojinskiy ve "Büvye", Shatur Gudur qırımtatar pank-rok taqımı, yırcı Elvira Sarıhalil, "Kurbası" etnik taqımı ve başqalar.

Tedbir çerçivesinde saat 15:00-ten başlap kündüz programması olacaq. Anda çeşit-türlü ustalıq dersleri keçirilecek, şu sıradan çölmekçi Rustem Skibin ve ustahanesiniñ dersleri. Bundan ğayrı, qırımtatar yemekleri ve qavesi pişirmesinden ustalıq dersleri olacaq.

"Soñki beş yıl devamında ukrainler ve qırımtatarlar, niayet, biri birine yaqınlaştı ve medeniye, adetler ve tarihlarında bayağı oşağan çizgi ve hususiyetlerni tapıp başladı. Bizim kontsetimiz - eki halqnıñ icadiy energiyasınıñ Kösterilüvi, o, bütün memleketimizniñ adamlarını birleştirmege, suniy divarlarnı yıqmağa yardım ete", - dep aytıp berdi "Qırım evi"niñ programma müdiri Alim Aliyev.

Kyivde 2018 senesi oktâbr 23-ünde birinci "Qırım evi yüreklerni birleştire" kontserti keçti.

XS
SM
MD
LG