Kyivde 2023 senesi dekabrniñ 29-nda olğan raketa darbeleri neticesinde elâk olğan daa eki insannıñ cesedi tapıldı. Bu aqta şeerniñ arbiy memuriyeti bildirdi.
«İç işler nazirliginiñ Baş idaresiniñ tahqiqatçıları ekspertiza keçirip, elâk olğan daa eki insannı taptı», – dep aytıla haberde.
Böylece, Kyivde raketa ücümi neticesinde elâk olğanlarnıñ sayısı 32 oldı, daa 30 kişi yaralandı.
Dekabrniñ 29-na keçer gecesi Rusiye 158 uçucısız ve raketanı qullanıp, Ukrayınağa qarşı eñ büyük ücümlerden birini kerçekleştirdi. Lviv, Kyiv, Harkiv, Dnipro, Çerkası, Sumı ve Odesa vilâyetlerinde patlavlar aqqında haber etildi.
Bu ücüm neticesinde büyük istilâ neticesinde paytahtta eñ çoq qurban oldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
