Kyivniñ Desnânskiy rayonında Şüheviç caddesi boyunca yerleşken Troyeşçinadaki yañı parkta qırımtatar üslübinde bir köşük tesbit etildi.
Bunıñ aqqında Kyiv şeer başınıñ ofisinde haber ettiler.
Berilgen malümatqa köre, 9,5 gektardan ziyade olğan park, Kyiv sakinleriniñ ve paytaht musafirleriniñ raat ve telükesiz istiraatı içün yañı bir yer olacaq.
«Parknıñ yañı qısmınıñ diqqat çekken hususiyeti qırımtatar üslübinde bir köşüktir. O, qırımtatar mimarlığı üslübinde mozaika toşemesi, saçaqları oyma dekor ve oq şeklindeki kemerler ile bezetilgen. Sferik qubbesiniñ örtüsi zemaneviy asıl bitumlı kirametten yapılğan. Qubbeniñ yuqarısında kulâ. Taban ve dekor içün örneklerni qırımtatar ressam çölmekçi Rustem Skibin azırladı», – dep yazıla bildirmede.
Avgustnıñ 27-nde parknıñ açıluvında Qırımtatar halqı milliy lideri Mustafa Cemilev, Qırımtatar Milliy Meclisi reisi Refat Çubarov iştirak etti.
«Evel bu nasıl bir yer olğanını epimiz yahşı hatırlaymız. Ve o zaman, mında böyle acayip bir park olacağını kimse atta tasavur etip olamadı. Mında yaşağan bir çoq adamnen laf ettim, episi bu parknı pek begene. Qırımtatar medeniyetiniñ elementleri ile böyle güzel park içün şeerge minnetdarım», – Kyiv şeer memuriyetiniñ matbuat hızmeti Çubarovnıñ aytqanlarından alıntı ketire.
