Dekabrniñ 12-nde Kyivde saat 12-de Mustaqillik meydanında halqara İnsan aqları qoruv kününe bağışlanğa «Siyasiy mabüslerge azatlıq» adlı birdemlik aktsiyası olıp keçti.
Aktsiyada uquq qoruyıcı teşkilâtlarnıñ, siyasiy mabüsler platformasınıñ, mustaqil cemaat teşkilâtlarnıñ temsilcileri, Milliy Meclis azaları, ükümet vekilleri, Qırım ve Donbastan köçip kelgenler, siyasiy mabüslerniñ tuvğanları iştirak etti.
Aktsiya vaqtında sabıq Kreml mabüsleriniñ iştiragi ile "Buğavlar azatlığımnı alıp olmaz" adlı performans keçirildi.
Bunda ğayrı aktsiya iştirakçileri Kreml siyasiy mabüslerine Qırım üzerinde uçurtılacaq banner üzerinde şahsiy beyanatlar yazdılar.
Evel, Ukraina prezidenti Volodmır Zelenskıy, Türkiye Kyivniñ azat etmege tırışqan siyasiy mabüslerniñ cedvelini Rusiye tarafına bergenini bildirdi.
