Link açıqlığı

Saatnıñ esas haberi

Klıçko: Kyivde saba raketa darbesi neticesinde bir insan can berdi, bir qaç kişi yaralandı


Vitaliy Klıçko
Vitaliy Klıçko

Rusiye ordusınıñ aprelniñ 16-nda saba Ukraina paytahtına kerçekleştirgen raketa darbesinden soñ bir insan can berdi ve bir qaç kişi yaralanıp hastahanege alındı. Bu aqta Kyivniñ şeer yolbaşçısı Vitaliy Klıçko bildirdi.

«Ava mudafaa quvetlerimiz bizni qorumaq içün elinden kelgenini yapa, amma duşman – yaman niyetli ve merametsizdir. Rusiye generallarından biri bu künleri Ukraina paytahtına raketa ücümlerine azır olğanını bildirdi. Körgenimiz kibi, – bunı yapalar», – dep yazdı Klıçko Telegram ağında.

Darnitsa rayonına açılğan ateş aqqında Vitaliy Klıçko aprelniñ 16-nda saba tafsilâtsız bildirdi. Şeer yolbaşçısı paytahtnı terk etken kyivlilerden şimdilik evlerine qaytmamalarını rica etti.

Kyiv vilâyeti arbiy memuriyetiniñ yolbaşçısı Aleksandr Pavlük bildirgenine köre, Kyiv vilâyetiniñ obyektlerine Rusiye ordusı üç raketa endirdi. Pavlükniñ aytqanına köre, «Kyiv yönelişinde ücüm gruppirovkasınıñ qaytuv telükesi, mayın qoyulğan topraqlar telükesi, Kyiv ve bütün Ukrainada duşmannıñ darbe endirüv imkânları bar».

Ukraina Mudafaa naziriniñ muavini Ğanna Malâr raketa darbeleri telükesi bar, dep ayttı, ve «Kyiv vilâyetini bu gece» Ukrainanıñ eñ sıcaq yerlerinden biri dep adlandırdı.

Ukrayinağa qarşı Rusiye silâlı ücümi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.

Aprelniñ başında Moskva Ukrayina şimalinde faal olğanını toqtattı, dep bildirdi. Tezden Ukrayina akimiyeti Kıyiv, Çerniğiv ve Sumı vilâyetinde Rusiye arbiyleri qalmadı, dep ayttı.

Rusiye Ukrayinağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d2ud65mnh9spru.cloudfront.net​. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG