Rusiye ordusı iyulniñ 28-ne keçer gecesi Ukrayinağa raketa ve uçucısızlarnen ücüm etti.
Kyivniñ Darnıtskıy rayonında ücüm neticesinde sekiz insan yaralandı, dep bildirdi Kyiv şeer memuriyetiniñ yolbaşçısı Timur Tkaçenko. Yaralanğanlar arasında cam yaralarınen üç yaşında bala bar. Dört kişi hastahanege alındı.
Şeer yolbaşçısı Vitaliy Klıçkonıñ malümatına köre, bütün yaralanğanlar – patlav dalğası 6-ncı qatından 11-inci qatına qadar pencerelerni qırğan mesken çoq qatlı mesken evniñ sakinleridir.
Hersonda darbe neticesinde 32 yaşında erkek patlayıcı ve qapalı baş-miy yarası, kontuziya, qol ve ayaqlarnıñ cam yaralarını aldı. Zarar körgen kişi orta ağır alda hastahanege alındı, dep bildirdi vilâyetniñ memuriyeti.
Rusiye arbiyleri Ukrayina regionlarına çeşit silâlarnen muntazam sürette ücüm ete.
Rusiye yolbaşçılığı, Rusiye ordusı Ukrayinanıñ şeer ve köyleriniñ grajdan infrastrukturasına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd ete.
