Kyivdeki Qırım evinde iyülniñ 17-nde Rusiye aq qorçalayıcısı Aleksandra Krılenkovanıñ «Cenkni qıdırıp: Qırımda beş yıl» adlı avtobiografik kitabınıñ taqdim merasimi keçirilecek.
«2014 senesi mart ayınıñ soñunda Aleksandra Krılenkova bilet alıp, Qırımda olğanlarnı öz közünen körmek içün anda ketti. Böylece onıñ çoq yıllıq aq qorçalayıcı işi başlağan edi. O, insan aqları bozulğanını qayd ete, repressiya qurbanlarınıñ mahkemelerine bara ve işğalcinen bir özü qalğan insanlarğa qoltuta», – dep aytıla teşkilâtçılarnıñ haberinde.
Taqdim merasiminde qırımlı advokat Lilâ Gemeci, «Qırım birdemligi» cemaat birleşmesiniñ koordinatorı Dilâver Memetov ve Vatandaş serbestligi merkeziniñ idare reisi Aleksandra Matviyçuk olacaqlar.
