Kyivde martnıñ 21-nde saba raketa darbelerinden yaralanğanlarnıñ sayısı arttı.Azatlıq Radiosı mühbiriniñ malümatına köre, 13 insan yaralandı.
Kyiv şeer arbiy memuriyeti dört insan hastahanege alındı, elâk olğanlar yoq, dep bildire.
«Altı insan (yaralanğan – QA) Svâtoşin rayonında ve yedi insan Şevçenko rayonında», – dep aytıla Kyiv şeeri arbiy memuriyetiniñ yolbaşçısı Serğiy Popka.
Ukrayına Silâlı quvetleriniñ malümatına köre, saba Rusiye Kyivge eki ballistik raketa ve 29 qanatlı raketa attı. Episini ava mudafaa ordusı urıp tüşürdi.
Şeer akimiyeti Kyivniñ bir qaç rayonında raketa parçalarınıñ tüşmesi neticesinde viran etilgen evler bar. Şevçenko rayonında daire yanğan ev sakinleri tahliye etildi.
Martnıñ 21-nde gece ava quvetleri Rusiyede tahminen doquz Tu-95 köterildi, dep tenbiledi. Soñra komandanlıq eñ az bir raketa gruppası Kyivge kete, dep haber etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
